張寶兒陪實男友含淚嘆無常

藝人劉穎鏇、湯洛雯、胡鴻鈞、張寶兒、馮盈盈等昨日為無綫節目《學是學非》錄影，說到男友袁偉豪爸爸上周病逝時，張寶兒全程強忍淚水，心情依然沉重。問男友現時心情如何？她說：「一定好心痛，好彩係返住工，會容易分散注意力，易過啲。」她透露當日陪着男友見對方爸爸最後一面，感嘆生命無常：「晚餐時仲係一齊食，下一秒就已經冇咗血色。雖然大家都有心理準備，但到真係發生嘅感覺係好唔同。」問到會否協助男友打點其父身後事？她表示始終是男友家事，自己可做的只是陪伴在旁，又說：「其實日子都定咗，等佢自己公布。」

劉穎鏇恨拍拖

此外，同場的湯洛雯大爆身邊很多朋友想認識劉穎鏇，問會否安排聚會？她說：「會一齊玩，但唔會特登搞活動。」劉穎鏇亦坦言想找個男朋友，並指不抗拒圈中人：「冇所謂嘅，最緊要高過我、錫我同性格OK。」湯洛雯近日與妹妹湯樂瑤頻晒泳照，提到妹妹相當惹火，她笑說：「現場睇仲噴血，其實最噴血係媽咪！（三母女影輯相？）唔好搞Auntie啦，拎番佢啲舊相出嚟夠撼，我遺傳唔到佢身材。」

張寶兒受訪時全程眼濕濕。	胡鴻鈞（左四）笑言成班「是非精」嘈到癲！	袁偉豪與亡父感情深厚。

胡鴻鈞：馮盈盈癲嘅

而擔任嘉賓的胡鴻鈞於節目中要為「是非精」拉車，他笑言成班女仔好嘈：「特別係馮盈盈，佢癲嘅！頭先拍完嘢去廁所，一出到走廊聽到佢尖叫，覺得佢好Amazing，把聲好有穿透力。」

文：影視組