王祖藍孭父債被迫攞綜援

藝人王祖藍昨日到金鐘出席「十大傑出青年選舉2018」記者會，2012年當選傑青的他分享人生起跌。他表示讀書時因父親過身，要承擔一堆債務，最困難時曾領綜援一年多，之後又幫親戚還債：「有咗個教訓，依家唔會立亂借錢畀人，如果係親友重病，都會幫手。我有做義工，如果係賭博沉溺、網上沉溺，借錢畀佢哋唔係解決問題，應該幫佢哋脫離依靠。」
王祖藍
王祖藍

祖藍謙稱很多人有條件獲選傑青，他則希望以藝人身份貢獻社會，例如多做義工，及透過演藝作品帶給觀眾反思及歡樂。