同方力申過「520」莊思敏落閘：冇諗過發展！
藝人莊思敏、周文健及陸詩韻等昨晚出席娛樂公司晚宴，問到與方力申共度「520」，並在社交網上載合照「放閃」，莊思敏說：「其實係因為聽日佛誕，我哋成日去寺廟做義工，咁啱撞到啫！我覺得參與慈善工作，唔需要刻意約埋一齊。（有發展機會？）冇諗過，我哋亦冇討論過呢件事。（接受到矮過自己嘅男仔？）都得嘅。」
至於周文健早前客串了一部電影：「呢排休息，遲啲去俄羅斯睇世界盃。（全男班？）太太都去，但佢唔睇波嘅。」陸詩韻則忙於拍古裝電影：「好熱，捱夜好辛苦，唔明點解夏天要拍古裝，不過暫時都仲Handle到！」
