馬浚偉加騷肌戲胡定欣開價：每舊100蚊！

馬浚偉、胡定欣、馬國明、黃心穎、蕭正楠及劉心悠等昨晚齊集商場，出席無綫新劇《宮心計2深宮計》首播活動，並齊齊欣賞劇集，吸引大批市民圍觀。飾演夫婦的定欣與馬浚偉以情侶裝現身，身穿白色低V裙的定欣表示，期待觀眾對劇集的口碑；馬浚偉則透露已叫定家人把屋企四部電視全開煲劇以示支持，而他完成工作後，亦會返家重溫谷收視。

兩大福星谷收視

對於被指打扮性感，定欣說：「幾自然，開心冇所謂啦！收視梗係愈高愈好，我係幸運星，今晚條裙又多星星。記得上年套《同盟》收視係全年冠軍，有幸運星守護套劇，希望呢套都係今年收視冠軍，同埋我今年都係得呢部劇。」馬浚偉亦唔執輸說：「我以前都係收視福將，依家加埋呢個收視幸運星，仲有馬國明、心穎呢啲猛將，相信收視唔好都難。」

馬浚偉正忙於與定欣綵排舞台劇《偶然．徐志摩》，大讚對方身形弗爆兼有六舊腹肌，更誇口說：「我會運用自己監製同出品人嘅權力，希望加一場戲畀定欣騷腹肌！」定欣聞言即笑言會逐舊腹肌計算：「收番一舊100蚊，總數6千6。」計足11場的價錢，認真數口精！而馬浚偉亦豪氣表示會畀夠7千蚊。

胡定欣不時在網上騷Quali。	馬國明講明拍拖唔使慳，睇吓心穎幾咁冧！	劉心悠（圖）同蕭正楠鬥Cute。

馬國明拍拖唔使慳

而馬國明談及該劇是與心穎的「定情劇」，他坦言的確令雙方加深了解，朝夕相對之餘，還不時約食飯睇戲。對於心穎揚言買樓又買車元氣大傷，問二人拍拖是否慳住使？他即Man爆說：「唔使！睇戲食飯有限錢。（咁下一步係咪結婚？）我仲要『捱騾仔』呀！」

蕭正楠	五位靚靚「熟女」悉心打扮晒魅力。

此外，《宮》劇原定昨晚與內地網站同步播出，但至劇集播畢仍未見在網站上線，有網友聲稱特地為該劇付費做會員，紛紛留言鬧爆網站未有事前通知並要求賠錢，對此，無綫節目及製作副總經理杜之克表示，內地播放香港劇集需審批，暫未有確實播放時間：「佢哋話處理緊審批嘅阻滯，會追番審批啲時間。」

文：影視組