山聰阻街「柱男」撞破黃文意好事
藝人陳山聰昨午在尖沙咀街頭開工，為新劇《金宵大廈》趕戲。飾演保安的他在攝氏30度下穿上長袖恤衫加長袖冷衫，劇情交代他在後巷捉老鼠後，目擊扮演「Part Time Girl Friend（PTGF）」的黃文意認錯Sugar Daddy的搞笑戲份。
自嘲「三點不露」
由於正值周末，吸引大批途人圍觀，山聰全程抱實身旁的泊車咪錶變身「柱男」，令人忍俊不禁！他受訪時自封「三點不露」﹕「因為呢套戲全部大夜班，今日已經係我最早開工嘅一日。（熱死未？）還可以，起碼比戴頭套同着古裝好。」由於他在熱播劇《逆緣》中「成魔」，他自爆早前被網民鬧爆，然而昨日途人卻爭相與他合照，山聰笑說：「我哋阻住條行人路，都冇畀人鬧爆，已經好開心喇！」
山聰又透露《金》劇約半個月後煞科，屆時會緊接與譚俊彥及黃智雯拍攝另一套劇，工作排滿至年底，他希望中間可以爭取時間，去個短途遊行休息。
文：影視組