詹秉熙認衰：係我變咗
藝人顏仟汶去年跟詹秉熙上契為兄妹，卻被讀者爆料指二人發生婚外情，更有傳正印Sandy上門「捉姦」，男方最終亦承認變了心！再有鄰居爆料，指詹秉熙經常出入女方寓所玩「同居」，惟兩人昨日未有現身上址，明顯已「潛水」！
已婚的前無綫小生詹秉熙，被指撻着47歲顏仟汶，再有讀者爆料指二人在女方的錦田寓所「半同居」，每逢星期六、日都見到他們到超市購物，但多數前後腳出門，再結伴返女方屋企。讀者又指顏仟汶搬屋半年但沒甚打招呼，反而詹秉熙以「探朋友」為由經常出現，更與鄰居有傾有講：「有次我有啲盆栽唔要，詹秉熙見到話想拎番屋企，原來係拎去顏仟汶屋企。」
被指有「婚外情」後，詹秉熙前晚僅承認與結婚30年的太太Sandy分居，直至昨日才以短訊承認變了心：「你好，昨天已回應了，答埋今次之後唔會再回應了，請諒解。我和太太本身已有些問題，唔關任何人事，係我唔好，係我變咗。處理中，多謝關心。」至於顏仟汶亦「潛水」不願再回應。
不避嫌對望唱K
其實這對「契兄妹」在朋友間一直不避嫌表現親密，前日網上有一條短片流出，片中二人與一班朋友唱K，更合唱多曲，期間曾頭貼頭，態度親暱。當合唱《我是中國人》時，二人情緒更見高漲，互望對唱，看來相當盡興。當晚女藝人程芷渝（Milla）亦在場，她接受訪問時表示，不覺得他們特別親熱：「大家都有攬嚟攬去，因為飲咗啲酒High High哋。」至於曾與詹秉熙為ViuTV拍劇的邵仲衡，被問及此事時說：「與對方不熟，沒有留意，亦不清楚。」
文：影視組
攝：追蹤組