麥雅緻突然腰痛 囡囡呵番甜在心

藝人張頴康與麥雅緻（Angie）2012年結婚，之後誕下現年3歲的女兒張雅喬（小豆）以及七個月大的兒子張迅橋（小花生），一家四口樂也融融！今年母親節，Angie有一仔一女陪伴，問她會否覺得很圓滿？Angie笑言：「好感恩，一對小朋友都好易湊，佢哋都一樣好鍾意食嘢，唔會扭計同埋瞓得好好，好開心。」阿康經常忙於拍劇，湊兩個小朋友的任務落在Angie身上，Angie更說了一件令她感動的事：「早兩個月前，有一日我突發性腰痛，痛到轉唔到身，行坐都好痛，痛到流眼淚，我同小豆出街，佢想去洗手間，但佢叫我唔好抱去上坐廁，同我講：『我好重，你條腰好痛，唔好抱我喇！』佢護住我嗰吓，真係令我好感動。」