古巨基頸梗開騷險案件重演

古巨基一連五日假紅館舉行《WE我們古巨基世界巡迴演唱會香港站特別版》，惟於第二場演出時，基仔不慎差錯腳跌落2米深台底，其後忍頸痛返回台上，繼續傾力演出。昨晚為演唱會的第三場，狀態回勇的基仔如常開騷，似乎未受傷患影響，頸部活動尚算靈活。

Dancers包圍避大窿

再次回到「案發現場」，基仔被一群Dancers包圍保護，笑言要避開大窿：「作為一個戰士梗係會有少少傷，喺邊度跌低就要喺邊度企番起身！」之後又作狀行近大窿旁踩踏，Fans即大叫小心！基仔續向Fans報告傷勢：「真係好謝天謝地，跌落去唔係個頭落地，而係背脊，最後檢查咗骨冇事，係連住頸嘅肌肉扯到，脹脹哋、梗梗哋，個頭唔係好擰到右邊。」他又不忘自嘲安慰Fans話，可能會唱得更高音，全場即拍手歡呼。

昨日騷前約4時15分，基仔戴住黑超、Cap帽，鮮有穿上短褲、迷彩外套，現身紅館閘外進行拜神儀式，而老婆Lorraine則戴上帽於遠處傍實。監製錢國偉先上前關心基仔傷勢，期間基仔有摸一摸腰及頸部，全程步姿非常生硬。拜神時他神情嚴肅，誠心合十向四面拜拜，祈求演出順利。

基仔前晚一時忘形，失足跌下2米深的台底。	基仔昨日下午現身拜神時，向傳媒做出OK手勢，示意狀態OK。	拜神期間基仔伸手摸頸後肌肉，似乎仍隱隱作痛。

老闆楊受成趕慰問

前晚意外發生後，老闆楊受成更是第一時間趕到紅館後台探望及慰問，並留至11時45分完騷後由保鏢保護下離場，更邊向記者揮手，邊代基仔報平安：「冇事啦、冇事啦。」直至大約12時，紅館各後台出入口突然布滿七人車，而基仔就在其中一個側門與老婆Lorraine、經理人霍汶希等，跳上黑色七人車速閃，之後其座駕直抵養和醫院接受治療。眾人抵達後，Mani扶着疲態盡現的基仔落車，問到基仔當時感覺如何？他雙目無神表示要先檢查，並於即晚約凌晨3時在社交平台上載短片交代傷勢，最後又約定Fans如常紅館見。據知基仔還即時找了骨科醫生，做頸部物理治療鬆弛肌肉。

前晚完騷後，Mani即陪同基仔抵達養和醫院作檢查。

得知基仔墮台，老闆楊受成即趕入後台慰問。

文：音樂組　

攝：追蹤組、司徒國榮