湯洛雯 鬥氣母女遺傳氣質

無綫藝人湯洛雯在節目《學是學非》的花名是「靚湯」，其母年輕時同樣省鏡，留長髮的湯母清麗脫俗，靚湯完全遺傳了媽咪的優點！靚湯是家中長女，母親的注意力多在年輕九歲的妹妹身上，因而令她較為獨立，母親對她的管教亦不算嚴，母女關係更似朋友。不過，靚湯笑言兩人性格相似，故不時嗌交：「媽咪比較倔強，唔會講對唔住，多數係我自我反省後道歉，否則媽咪真係可以兩星期唔睬我！（有冇邊件事最感受到媽咪好錫你？）細個住大埔，但我小學去咗跑馬地讀書，媽咪就每朝六點載我出去，喺車度瞓等到我放學，之後再載我返屋企，日日都係咁，我覺得媽咪好偉大！」她透露每年母親節都會一家人食飯慶祝，亦試過整蛋糕做禮物，今年會舉家到馬爾代夫旅行，同時慶祝母親節及她的生日。