陳凱琳孖公仔日日示愛
港姐冠軍陳凱琳（Grace）入行近5年，陳媽媽亦隨她「入行」，如助手一樣貼身照顧，Grace工作中遇到的開心事和難忘事，媽咪都看在眼裏，Grace坦言充滿感激：「我真係好愛媽咪，上次喺橫店中暑病咗，都係佢照顧我，佢係我最好嘅朋友，乜都可以傾。」
陳媽媽隨女兒四出工作，Grace亦會把握機會，每當完成工作就帶媽咪四圍走：「同媽咪有好多開心嘅回憶，最難忘一次係當年拍完《張保仔》後坐巴士由橫店去杭州，有朋友話可以載我哋去巴士站，點知接送嘅車係一架『綿羊仔』！我哋擔驚受怕咁坐咗15分鐘，但又忍唔住笑，笑到咔咔聲，因為真係估唔到情況係咁！」問到是否期待早日做出成績答謝媽咪？Grace說：「呢幾年佢都冇擔心過，因為佢已經喺我身邊。其實唔止母親節，我每日都想講我好愛佢！」