馮盈盈阿媽夠Young 追貼社交網
港姐冠軍馮盈盈（Crystal）家有索媽，似足兩姊妹！Crystal笑言媽咪心境與外貌同樣年輕，更是她的頭號粉絲：「媽咪真係好In，Facebook、Instagram都識玩，Follow晒我所有社交網，同佢相處好似同齡朋友咁！（唔敢亂寫嘢，怕媽咪睇到？）拍《#後生仔傾吓偈》有講以前啲感情事、曳嘢，佢睇節目時笑得好開心！（媽咪都好敢言？）我同媽咪係兩種Style，佢係完美女性典範，對照顧屋企同理財有一套哲學。」
問到母女間的難忘事，Crystal說：「最難忘都係拎到港姐冠軍當晚，媽咪陪住我第一次面對傳媒，仲畀人話佢同藝人撞樣，以佢性格我都擔心佢會覺得困擾，但估唔到佢可以Take it easy咁睇番段新聞，好感受到佢唔想我擔心。依家忙拍劇，媽咪比以前更操心，會準備湯水同幫我執行李，仲會將我啲新聞做剪報。」Crystal忙於拍新劇《白色強人》，幸而母親節不用開工，計劃與男友Martin約齊雙方媽咪一同慶祝。