麥明詩依靠Supermom 慰解孤單
麥明詩（Louisa）由媽咪麥何小娟一手栽培成「十優港姐」，比常人更有條件選擇自己的路，最終投身演藝圈成為演員。麥媽媽雖然擔心，但仍送上無限支持。Louisa趁母親節來臨，特別寫心意卡感激媽咪的包容與耐性，以及對她追求夢想的支持與鼓勵，麥媽媽笑言：「佢細個比較用心會自己整（心意卡），依家比較慳皮，但第一次寫咁多字畀我。」
心痛捱苦勸退出
Louisa成績優秀，想必是個乖乖女，麥媽媽卻說：「其實佢同哥哥比係硬頸啲，好有主見。當年佢中學畢業話要去英國讀書，我心諗當然喺香港讀好，起碼慳過百萬，但呢個係佢嘅選擇，我會放手。」麥媽媽很關心女兒的工作，眼見女兒經歷各種風浪，她坦言勸過Louisa放下工作：「有忍唔住同佢講過，唔做演員都有大把工作，不過我知道佢自小鍾意跳舞、演戲，呢份係佢鍾意嘅工作。」
Louisa坦言藝人工作性質特殊，很多事情都不由自主，容易感到孤單，幸而家人一直在情感上支持她：「媽咪喺我心中係Superwoman，照顧家人同時讀咗兩個碩士，希望將來好似媽咪咁成家立室後，同時有自己嘅工作。」
服飾：iBlues
場地：北京老家