細細粒放料逼闊少認拖友

喺大台時又嫌嚟嚟去去都做同類型角色，唔甘心決定出外闖一片天，結果連戲都冇乜得拍，浮浮沉沉，慶幸最近畀佢搵到個有錢男友，驚死條仔唔認佢，特登放料，扮晒低調咁話係好朋友喎，但轉頭又放料叫記者伏吓條仔，仲教記者問條仔係咪同佢拍拖，借啲意逼條仔認佢係女友，真係無所不用其極。細細粒一向鍾意放料，又鍾意同記者夾料，為求見報不惜一切，可惜紙上明星，繼續冇乜嘢撈。