百厭星楊埕處處留金
有「翻版張栢芝」之稱的藝人楊埕外表斯文，但原來童年時相當百厭，笑言常在鄰居家留下「黃金」，她說：「媽咪話番我知，當時只得歲幾左右，成日去對面屋玩，唔知點解每次去親都瀨屎、瀨尿，但返到屋企又唔去！搞到媽咪成日幫人拖地，基本上日日都聽到Auntie話『你個女又瀨喇』，唔知醒定百厭！」
楊埕自爆中學時期非常反叛，曾經逃宿被舍監發現：「11、12歲讀國際寄宿學校，電子產品、電話都唔畀帶，我哋會爬過後山荒廢咗嘅閘，偷落山行街、食嘢，九點幾舍監Check房時準時返到去。當然有畀人發現過，最後寫手冊通知屋企人。」她又透露會用水沾濕紙巾，然後拋上天花板，令整個班房地下濕滑，笑言像泰國迷你版潑水節！
