HotCha當最後一騷
HotCha將於六月在九展舉行合體騷，張惠雅（Regen）、張紋嘉（Crystal）及黎美言（Winkie）日前到九龍灣的Party Room受訪，當日時間非常緊迫，幸好三人依然默契十足，輕鬆擺個靚甫然後極速轉位，果然是相處多年的拍檔！Regen大爆當年HotCha首次影唱片封面時，由朝早影到凌晨，因為三個人影相比獨照難得多。Crystal說：「我哋都進步咗！好神奇，我哋之前唔係成日見到，但一走番埋一齊，好快就知道大家要點做、點影相同點走位，好熟悉，呢種感覺記咗喺心好耐。」
自誇Keep得好
問到最想勾起大家甚麼回憶？Regen指她們的歌迷本來是中、小學生：「可能依家做咗媽媽，好想一齊回憶，呢排真係好多人走嚟話細細個就聽我哋啲歌。」Crystal笑言初時被這句話嚇倒，之後就會心微笑，認同HotCha是大家的童年回憶：「不過我哋都仲好細個，因為我哋好細個出道。」Winkie聞言笑說：「我哋係咪Keep得好好呢？」
嘆搵場艱難
Winkie坦言心情興奮及期待，打算把演唱會當作最後一個騷去做：「人生有幾多個10周年？我哋唔係想呢個騷係最後一個，但每一個表演者都應該當每個演出係最後一次，咁就會使出所有真功夫。」
由於尋找場地出乎意料地困難，三人都一度擔心演唱會難產：「原來香港咁多人做騷，好多場都滿晒！我哋依家個期都係攝出嚟，好珍貴。唔係我哋唔想加場，而係冇辦法。」
文：音樂組
攝：吳文聰