傅穎病到吊鹽水仲開工

身在青島開工的藝人傅穎打敗仗，她昨日在社交網上載吊鹽水照，素顏的她戴着黑超、披着外套，手背貼着膠布，原來是感冒引致鼻竇炎，她受訪時說：「冇乜嘢啦！之前因為感冒拖咗好耐，所以搞到變咗鼻竇炎，本身精神狀況都OK嘅，但覺得咁耐都未好，自己走咗去酒店附近一間好細嘅診所睇吓，一探熱先發覺原來有啲發燒，好彩都係微燒，醫生叫我吊鹽水。（仲有開工？）依家都係正常拍戲，冇休息！」不過，見她拍照時仍貪玩地扁扁嘴，精神尚算不錯呢！