王浩信拒減產 攝時間爭取陪囡
藝人王浩信前晚現身公開活動時自爆外婆早前大病剛愈，趁新劇開拍前多抽空陪家人，並揚言會盡量出席女兒入讀小學後的親子活動，但強調不會因而減少工作。
王浩信、曾江、歌手王馨平、名模周汶錡、Baby師妹李詩穎與泰國變性人Poyd等前晚現身首飾活動。王浩信早前與太太陳自瑤（Yoyo）出席生日派對大合照時企到離行離列，引起網友揣測感情狀況，他解釋只是男企一邊、女企一邊，叫大家不要太敏感。談到母親節，問到會否代女兒向Yoyo表達心意？他說：「呢個交番畀囡囡，佢知道點去表達。」並自爆婆婆早前抱恙，要多留時間陪家人﹕「之前外婆嘅身體經歷好大嘅挑戰，但已經康復。（有咩病？）唔講得太詳細，怕畀到壓力佢，依家會抽多啲時間陪佢哋。（減產？）其實我依家都有六、七個小時陪小朋友，彌補番之前因為忙拍劇而陪唔到佢，但唔會減產，嚟緊會有套新劇開拍。」
囡囡考入心儀小學
王浩信又透露女兒考入心儀小學，稍後要多參與學校的親子活動，問到會否擔心因藝人身份在學校會引起關注，他說：「佢間學校有好多唔同國籍人士，佢哋都唔識我！只要唔影響其他人嘅情況下，我會盡量投入學校活動。我都試過為人子女，都想父母可以同我一齊參與社交活動。」
同場的王馨平與曾江首次兩甥舅出席公開活動，王馨平笑言很開心：「第一次一齊出活動，原來有人唔知佢係我嘅舅父，我仲以為大家都知，今次正式公開！」又稱若有機會也想兩甥舅一齊拍戲：「佢喺我心目中係東方辛康納利（Sean Connery），好多朋友都叫我約埋舅父一齊食飯，好想見佢真人。」現場所見，曾江的鼻頭有少少紅腫，王馨平代為解釋：「係粉瘤，已經好幾年，醫生話唔需要做手術。」
文：影視組