同魏焌皓冇朋友做？麥明詩：向來都係同事
「2018慧妍雅集36週年慈善晚會」昨晚假灣仔一間酒店舉行，歷屆港姐朱玲玲、袁詠儀、劉倩婷、麥明詩及莊思明等紛紛現身。近日飽受「強吻事件」影響的麥明詩以金色透視裝上陣，成為焦點。問到事件主角魏焌皓表示曾聯絡她但不獲理會，麥明詩表明不願多談：「要講嘅尋日已經講晒，唔想件事沒完沒了。（你冇否認，好似暗示佢有做過？）佢自己都澄清咗。（同魏焌皓冇朋友做？）向來都係同事，不過依家佢離開咗唔係同事，係江湖上嘅朋友。」
而有傳魏焌皓被無綫提前解約，無綫高層樂易玲昨回覆稱：「監製係唔肯用魏焌皓，既然佢有自己諗法，又唔適合公司制度，只好唔續約，畀佢喺外面發展。」
袁詠儀自認面皮厚
年前陳法蓉及梁小冰在慧妍活動上發生爭執，當時袁詠儀表明會支持老友小冰，她昨晚現身時表示：「1990年當選後，都有廿幾年冇出席過呢啲活動，呢啲女人多就是非多。（咁點解出席？）之前喺一個場合遇到會長劉倩婷。（見到法蓉會唔會尷尬？）點解？我面皮好厚。」
而劉倩婷老公李丞責相當識做，即場捐出十萬支持，氹得倩婷開心不已。莊思明則谷盡3吋事業線，但見她包紮着左手食指，原來是給愛犬咬傷。一身「行頭」到場的朱玲玲，就表示全由老公贈送。
文：影視組