陳柏宇4歲入廚煮麵認叻
歌手陳柏宇（Jason）和林奕匡（Phil）昨日出席百佳與惜食堂舉行的「全城傳愛齊捐食」啟動禮，呼籲市民籌集食物及善款，大力推廣「惜食」訊息。問到兩位人夫是否經常要幫太太吃剩餘食物？Jason笑言：「呢個都好正常嘅，所以出街食飯都叫少飯，但通常碟飯嚟到都冇少。」問到太太符曉薇佗B後可有偏食？他表示：「都會任佢食，如果只限佢食有營養嘅嘢，佢就會冇胃口，所以都係放寬態度，畀佢食多啲。」
林奕匡教煎太陽蛋
Jason和Phil都表示愛在家用膳，吃剩的食物可留待第二餐食，避免浪費。提到兩人的廚藝，Jason即指最叻煮即食麵：「4歲我就自己煮即食麵，仲要一個人食兩個麵。（咁都唔肥？）當時阿媽都以為我生蟲，帶我去睇醫生，其實係我鍾意周圍走，消耗量太大啫。」而Phil自稱最拿手是煎太陽蛋，並分享秘技指煎蛋時要冚蓋，就可煎到蛋白熟而蛋黃不熟的效果。
文：音樂組