楊思琦孖囡囡Sweet爆整蛋糕！

東網巨星一連四集的節目《甄想記（明記）母親節呈獻：星級煮意》，頭炮由楊思琦與6歲女兒卓穎一起製作杧果慕絲蛋糕，穎穎全程投入主動幫手，將杧果漿及糖倒進鍋中加熱時，思琦捉住穎穎手仔一齊攪勻材料，她更醒目提醒媽咪熄火。到加入椰漿及杧果肉，愛食杧果的穎穎撒嬌說：「可唔可以放多啲？」之後兩母女上演「落廚教英文」環節，將海綿蛋糕（Spongy Cake）、雪櫃（Fridge）、三小時（3 Hours）中英對照，一於整蛋糕教英文！

讚囡囡煮嘢有天分

蛋糕完成後，母女倆再加上生果及果醬伴碟，小朋友的藝術天分充分獲發揮，穎穎看到與媽咪聯手炮製的甜品分外滿足！思琦大讚穎穎有煮食天分，在學校亦有學整朱古力曲奇及蘋果鬆餅，思琦都一一影低留念：「佢煮嘢食仲叻過我，數晒啲材料同Steps出嚟，第一次食到佢嘅手勢，覺得佢大個女咗！」

將杧果漿及糖倒進鍋中，以中火加熱煮溶及攪勻。	熄火，加入魚膠片繼續攪勻，再加入椰漿、忌廉及杧果肉。	廚師Tony協助思琦母女炮製甜品！

思琦指囡囡愛吃麵包、意粉、麵類及蛋，不太愛吃糖果，穎穎即醒目說：「病就更加唔會食！」思琦即冧爆說：「穎穎要再食多啲嘢，依家瘦咗少少，我攬住一個肉騰騰嘅穎穎就最開心！」問到母親節如何慶祝？思琦表示最重要是一家人食餐飯，穎穎畫張卡、唱首歌，已令她好Sweet！除了思琦母女檔外，之後蔣麗莎、陳爽及陳琪亦與子女一齊亮相《星級煮意》示範不同菜式，大家可透過東網App或東網網頁，免費收看及重溫！

材料：杧果漿、糖、魚膠片、杧果肉、忌廉、椰漿、海綿蛋糕	倒入蛋糕模中，倒至八成滿，再放上海綿蛋糕。	放入雪櫃雪3小時，加上生果及果醬伴碟。

文：影視組

場地：La Mer Restaurant & Lounge

https://bit.ly/2IdikDZ