阿Wing早產1個月黎明喜獲5磅千金

51歲黎明自離婚後被視為城中「鑽石級筍盤」，今年3月驚爆他已有新歡，這位「新明嫂」非女神級或名模，而是跟他共事多年的女助手阿Wing。隨後，再爆出黎明今次是「雙喜臨門」，告別單身兼榮升爸爸，阿Wing被拍得佗6個月凸肚，單拖到大型商場睇BB車，為腹中天王B做好準備。

四大天王「外父相」

其後，黎明盡男人的責任，在官方網開腔認戀情及宣布將為人父：「兩個經歷過離婚的人，有機會走在一起已是一種緣分，有了的小生命更將令我成為父親，並帶我進入人生中另一階段。」更表示「作為父親必須保護好我自己的家人，不願意讓家人隨便曝光。」

然而，黎明的深情表白，未能遏止輿論壓力，阿Wing不斷被翻舊情史，指曾離婚的她曾與黎明當年旗下藝人李治廷傳緋聞，又戀上富二代車手Vincent。未知是否外界輿論太多，令Wing承受沉重壓力，昨日比6月的預產期提早一個多月，在浸會醫院誕下重5磅多的「小公主」。

阿Wing早產一個月，榮升老竇嘅黎明當然緊張。	阿Wing誕下女兒，黎明梗係會第一時間去醫院探BB！	阿Wing在浸會醫院為黎明產女！

東網昨日率先披露「天王B」駕到，大批黎明粉絲即在社交網轉發消息及恭喜黎明，同時讚「天王B」身份特別尊貴，因英國威廉王子也是昨日第三度做父親，劍橋公爵夫人凱瑟琳為他誕下小王子！有網友又搶先幫黎明改名「黎巴嫩」、「黎找數」、「黎左」及「黎右」等，創意爆燈！雖然黎明已認做父親，惟有粉絲仍未接受現實，酸溜溜留言：「如果係真，恭喜囉！」有粉絲恭喜之餘，又指「四大天王」全是「外父相」，個個都是旺女。

文：音樂組