《飛虎》9億點擊吳卓羲（抓）分紅
藝人吳卓羲（Ron）、楊怡、任達華及內地女星張藍心等，前晚到中環出席活動。提到由Ron主演的邵氏網劇《飛虎之潛行極戰》反應不錯，昨日在優酷已達9億點擊，Ron笑言自己亦有追睇：「呢套網劇由電影導演去拍，工作人員亦有好多係電影人，所以係一個好好嘅製作。」
楊怡唔敢做打女
而楊怡亦表示有支持Ron的演出：「成個演出都好有電影感，加上我鍾意睇啲打打殺殺！（諗過做打女？）我唔得，我好渣，好易扭親！」
有網民整理Ron的作品，發現他演過一系列不同的警察角色，Ron笑言：「我冇留意，但都有問過樂小姐（樂易玲）想睇番自己以前嘅演出，不過佢拒絕咗，叫我上平台睇番，因為需要點擊。（《飛虎》好高點擊？）成績都滿意！（有分紅？）冇喎，你咁問我下次識做！」
錫陳凱琳避追蹤
而於昨晚一集《飛虎》中，原先Ron相約陳凱琳傾案件，但由於發現有人跟蹤，故Ron向對方借紙巾，寫於紙巾通知她有人追蹤，更故意錫了陳凱琳一啖激走她，而不知情的陳凱琳即嬲爆閃人。
文：影視組