Cheronna畀Dancer摸完錫番醋男友

組合Super Girls成員吳嘉熙（Cheronna）推出跳唱單曲《把持》，成為五女中首個在音樂上單飛的成員。新歌講述每人有不同壓抑，她直言大家可以把此事想得很Sexual（與性有關）：「睇你點諗釋放壓力，好多人都會Hold Back（抑制），唔夠膽將開心或唔開心嘅嘢發放出嚟。」

愛到把持唔住

問到男友黃奕晨（Dixon）聽完有何反應？她詐傻說：「佢覺得好聽呀！我同佢聽歌會傾好多嘢，係音樂層面嘅嘢。」隨即補充：「你以為我哋會傾啲好Sexual嘅嘢咩？Sorry，我哋唔係！」問見到男友可會把持不住，向他釋放愛的感受？Cheronna冧笑說：「我對屋企人都會大膽表露對佢哋嘅愛，見到男朋友都會。」她坦言每次拍拖都很投入：「我真係控制唔到自己，媽咪成日叫我唔好咁投入拍拖，驚我受傷，但情感好難把持。」問可有計劃結婚？她再度冧笑說：「我哋兩個仲有時間拚搏就拚搏啦！我覺得呢個人啱嘅，會結婚都唔定，但依家事業行先。」

唔憂嫁的Cheronna，希望在事業上再衝刺。

Cheronna與舞蹈員大跳Sexy舞步，男友齋睇排舞已經嬲豬！

撒嬌呻「佢掂你呀」

Cheronna又表示歌曲舞步較Sexy：「會掂到我條腰，抬起我時都會掂到大髀。（男友知道？）佢知！因為排舞期間，佢有幫我影相。排舞師嘅女友都有嚟，好似監場咁，哈哈！」問男友可有眼火爆？她笑說：「佢睇完我哋練舞啲片後，好唔開心咁講『佢掂你呀』，普通撒吓嬌。（呷醋？）最多收工之後錫多佢幾下，哈哈！」

文：音樂組

攝：張福宏

服裝：Gourami