獲邀到芬蘭林子博帶仔女去交流

藝人林子博一家四口早前獲芬蘭旅遊局邀請，到當地與來自上海、俄羅斯、愛沙尼亞等國家的家庭作交流活動，體驗坐鹿車、騎雪橇犬車、玩冰上電單車及釣冰魚等，期間更接受親子雜誌訪問。他表示今次最大得着是讓囝囝卓楠及囡囡詠渝了解當地生活，以及學會在極端天氣下保護自己。

由於交流活動撞正上課日子，子博指旅遊局及芬蘭領事館特地發信到學校，希望卓楠及詠渝獲准參與：「學校知道都好歡迎，佢哋覺得今次係個好難得嘅機會，可以同世界各地唔同嘅小朋友交流文化，所以都畀佢哋參加。」他又指兒子卓楠夠膽與人傾偈，令英文進步神速。