Dry爆吳海昕靠談情戲滋潤
藝人吳海昕（Sofiee）昨日上電台節目分享愛情觀，透露早前為歌手布志綸拍的新歌《經得起變化》MV快將面世：「去咗布拉格10日，但就經歷咗四季，分別有落雪、放晴、落葉又落雨，攞晒咁多個天氣拍，好抵！」此行更「一舉兩得」，皆因她在當地同時為另一部電影開工，拍攝小量個人戲份。
問到現時可有愛情滋潤？Sofiee怕醜表示工作太忙，以事業為重：「做演員好處係可以喺戲劇世界內得到想要嘅感情。（咁咪好易愛上對手？）要拎得起放得低，最近同沈震軒拍咗套網劇，演情侶，戲入面我好愛佢o架！」問到可有機會戲外發展？Sofiee抵死大爆沈震軒有好多追求者，與他私下只是好友。