男友蘭桂坊豪派香檳 廖碧兒：舊年嘅事

藝人廖碧兒（Bernice）、鄧萃雯、蘇玉華及男友潘燦良、葉德嫻等，前晚出席《第二十七屆香港舞台劇獎頒獎禮》。以黑色Deep V裙現身的Bernice任頒獎嘉賓，問到平日可會與男友Calvin拍拖睇舞台劇？她表示暫時未有，因最近大家工作忙碌，問到少見了可有日日視像通電？她即冧笑謂沒有。問到有指其男友以19億買下法國酒莊的香檳，她即避談表示：「唔知。（知唔知男友係隱形富豪？）我哋係做慈善識，大家都有各自工作。」前日有讀者爆料，指Calvin獲美國某媒體選為「金融市場十大最有影響力人物」，故日前與大班朋友到蘭桂坊慶祝，當中大多為女性，更豪送逾50支價值約6千元的香檳給出席賓客，對此廖碧兒說：「有聽聞過，但好似係舊年嘅事，當時未同佢拍拖，所以唔係好知。」