《星級煮意》：林凱恩爬出「地獄」煮贏阿媽

林凱恩為《星級煮意》示範「蘑菇飯」，她表示這道菜式的用料及做法相當簡單，非常適合工作忙碌的上班族。由於小時候媽媽忙於上班，所以她自小學開始已幫忙下廚，回想起兒時煮食趣事，林凱恩自爆錯漏百出，更差點釀成意外，她說：「當時我想煲飯，但又冇人教我，我唔知煲飯要落水，所以就咁乾煲，好彩後尾哥哥聞到燶味，出嚟幫手至冇事！」她更因進食親自烹調的「青椒炒魷魚」，搞到腸胃炎入院！

唔再怕畀油彈親

由昔日的「地獄廚神」搖身一變成為今日的「美女廚神」，林凱恩揚言全靠媽媽悉心指導：「媽媽一有時間就會捉我入廚房，慢慢由零開始學起。我以前好怕畀油彈到，但原來媽媽講得好啱，彈彈吓就會慣，唔再痛，煮嘢食都一樣，煮得多自然有進步。」學滿師的她不時研究西餐，更自誇青出於藍：「媽媽擅長煮中菜，而我就鍾意煮西餐多啲，最拿手係迷迭香雞棒，就連媽媽都冇我煮得咁好食！」

林凱恩教煮的「蘑菇飯」，用料與烹調方法都非常簡單。	放大圖片	放大圖片

現成湯包快靚正

對於林凱恩的「蘑菇飯」，「TVB廚神」李錦聯建議她用現成牛肉湯包代替自己炒製的汁料，令質地更滑，而且製作過程更省時及方便；而用炒飯代替白飯，亦能為味道增添層次。《星級煮意》每集均請來不同名人下廚，包括陳婉衡、林秀怡及陳倩揚等，示範拿手菜，其他藝人陸續登場！《星級煮意》在東網App及東網網頁播放，大家可隨時隨地收看及重溫。

Step by Step

材料：啡蘑菇、牛肉清湯、牛油、麵粉

1. 炒香啡蘑菇備用

2. 煮溶牛油，加入麵粉

3. 倒入牛肉清湯，煮至濃稠

4. 加入啡蘑菇、黑椒、鹽及糖

5. 淋於白飯上便成

文：專案組

睇片：https://bit.ly/2Hw1RdF