趙頌茹帶女拍真人騷出晒煙！
藝人趙頌茹（阿Yu）前晚到九展參與演唱會演出，透露剛帶細女到越南拍攝真人騷：「紀錄咗我對小朋友嗰種激動，點樣出晒煙咁。（好癲？）又唔係，不過有啲位會點着咗。都唔怕畀人睇，我唔係女神嘛。」她表示這次由她親自拍攝，所以女兒覺得只是去玩。
同場的林雅詩身穿低胸裙演唱《花花宇宙》等歌曲，提到最近與兒子到杜拜旅行，她指衣着要很保守：「我帶去啲熱褲全部唔畀着，要買當地人嘅衫由頭遮到腳。」提到正自導自演電影，林雅詩認為做幕後很辛苦：「好多謝執行導演馬天樂教我，囝囝都知我好忙，所以自己照顧自己。（叫佢探班？）我會要求，有佢支持會更加好。」
