同徐浩公私分明 連詩雅自爆隨時轉身份
歌手連詩雅（Shiga）昨日到銅鑼灣舉行廣東歌音樂會，與男友徐浩同台演出的她指對方是其音樂監製，因此常有合作機會：「如果大家鍾意嘅嘢唔一樣，就會有摩擦，但我哋方向一樣所以夾到。（私底下？）我哋不嬲公還公，私還私，身份可以一下就轉咗。」
Shiga最近到意大利以代言人身份拍了不少水着照，她說：「我好少咁性感！喺網上分享之後不斷收到好多訊息。（男友有冇覺得你畀人睇蝕？）冇喎，牽涉到工作嘛，同埋係健康性感。」另外，她表示即將拍內地網劇，劇中有性感元素：「但我個角色係心理醫生，會比較收埋少少。」
