陳敏之發女寒 想做拐子婆
藝人陳敏之帶同囝囝出席活動，「發女寒」的她看見何嘉莉女兒即不禁望多幾眼，更坦言恨生多個女，不過今年未有時間。而何嘉莉生B半年已極速收身，但笑言老公愛她「有肉地」。
陳敏之昨日帶同囝囝雷子樂，與何嘉莉及女兒Zoe，以及英皇鐘錶珠寶主席兼行政總裁楊諾思到中環，出席英皇珠寶母親節「Mini Me」親子珠寶系列新品發布會。子樂初時面對鏡頭有點怕醜，但敏之餵他食糖後即手舞足蹈，向鏡頭揮手超可愛！
餅店計劃進軍內地
只有半歲大的Zoe相當乖巧，令「發女寒」的敏之「心心眼」，她受訪指見到朋友生女好羨慕，有意追多個女：「我係『發女寒』o架！見到朋友啲囡囡就變拐子婆，我都恨有個女幫佢扮靚，畀晒啲珍藏佢！」敏之又指囝囝電力十足，坦言湊得攰如「看牛」。問老公可有送鑽飾誘她追多個？敏之笑言：「追多個就唔係呢啲喎！我哋好少用禮物嚟做交換條件，因為餅店計劃進軍內地喺廣州開店，加上拍劇同主持工作，今年一定唔會。」
何嘉莉兩個夠晒數
而嘉莉首次帶囡囡拍廣告，講到Zoe相當乖巧，嘉莉說：「敏之話囝囝難湊，其實都要睇性格，個女一瞓醒就龍精虎猛，以為囡囡文靜啲，但佢都成日嗌。（兩個夠？）夠喇，唔想有意外！好在個仔好錫妹妹，不時都抱吓佢，係暖男嚟。」講到嘉莉收身快，她指分娩後幾個月一直進補，長了不少肉，老公亦愛她「有肉地」，但貪靚的她笑言不能只遷就對方。
文：影視組