鍾嘉欣眼濕濕好掛住囡囡！
藝人鍾嘉欣昨日在中環出席化妝品活動，懷孕五個月的她腹部微隆，但身形保持纖瘦，依然省鏡，她說：「已經照咗，但係叫醫生唔好講仔定女，保持驚喜。仔女都冇所謂，已經諗定仔女兩個名，到時順產就知道用邊個。（女兒Kelly知道做家姐？）每日都叫佢錫『BB』，依家愈嚟愈黐身，可能知道有少少威脅，買咗個假嘅BB公仔畀佢學緊餵奶，等佢慢慢有心理準備。」
問到回港兩星期可會不捨得女兒？嘉欣即眼泛淚光說：「唔好講呢啲，第一次分開咁耐，以為自己OK，今日都有同佢視像。」她強調兩個夠晒數會「封肚」。
穿高踭鞋亮相的嘉欣在活動後即換上黑色平底皮鞋，在工作人員護送下離開，前往觀塘繼續工作，相當勤力。逗留約兩小時才乘七人車返回將軍澳寓所休息。