5大Band神俠奏黃貫中鄧建明Rock爆紅館
多位80、90年代經典樂隊代表玩Crossover，齊於6月7及8日Rock爆紅館！由五大樂隊成員包括太極成員鄧建明（Joey）、Beyond結他手黃貫中（Paul）、Blue Jeans的單立文（Pal）、Visa Band靈魂人物夏韶聲及「汗」的鼓手恭碩良（Jun）組成最強樂隊「Hong Kong Band」，將舉行一連兩場「搖滾大俠奏」，屆時五人各有Solo部分外，還破天荒以音樂「互片」。
「太太團」撐場
剛完成太極演唱會的Joey昨日接受訪問時透露，已跟四位Band友開會商議細節。談及位位都是樂隊「大哥」，Joey說：「大家識咗20年以上！（邊個先係『大哥大』？）梗係爭做最細嗰個啦！做細先有大佬錫！咁多個中，我認我係最麻煩嗰個，我要爭唱Beyond嘅《我是憤怒》。」Paul透過經理人表示各成員都甚為熟絡：「夏韶聲係前輩，其他就由細玩到大。（覺得邊個最Man？）佢哋Man啲，我黐住佢哋Man。」
主辦商新娛國際董事總經理丘亞葵受訪表示，能夠舉行Hong Kong Band演唱會實在難得：「我花咗兩年時間搞，因為佢哋太忙，度期超難，所以只開到兩場，推出咗合作歌《膽生毛》。（佢哋另一半如林憶蓮、朱茵及胡蓓蔚會否捧場？）已經邀請咗。」演唱會於今日開始優先訂票，本月26日正式公開發售門票。
另外，朱茵前日到台北出席活動時自爆，與Paul拍拖時已收到珠寶作禮物：「每年（鑽石）卡數愈買愈大。」又指Paul送手鐲慶祝兩人首個情人節：「我笑佢想用嚟鎖住我！」
文：音樂組