江若琳蕭潤邦拉茶啜麵晒恩愛
「生煎包王」蕭潤邦（Oscar）打本過百萬為未婚妻江若琳（Elanne）開麵館，店舖將於本月底正式開張，現正試業階段。昨日兩人親自落店幫忙，Elanne教未婚夫沖黑糖珍珠奶茶之餘，又即場示範拉茶。期間他們同食一碗麵、同啜一條麵，大放閃光彈。其後她到位於同一條街的Oscar生煎包店踩場，囂張地向未婚夫手指指，男方即以葉問手勢「迎戰」，大耍花槍。
為未來鋪路
首次做老闆娘的Elanne坦言心情興奮又緊張，見到試業反應熱烈才打下強心針，她坦言很幸福有Oscar做軍師。對於踩過界進軍飲食業，問Elanne是否為將來鋪路？她表示不會退出幕前，並很感激Oscar：「佢問我有冇諗過10年後會做啲咩，如果將來冇戲拍，演藝事業就會乜都冇，所以不如試吓孕育另一個『生命』。」
講到此店是兩人的首個「BB」，Oscar表示：「都真係算，因為有好多嘢係我哋意見，呢間舖亦係我哋結婚前奏，因為我哋結婚都有好多意見。（試過為開店有拗撬？）有，但好快平息。」
文：音樂組