甩拖Dry到裂！李彩華捱義氣看舖拉客
兩個月前宣布失戀的李彩華（Rain），經常出海散心晒性感水着。日前她現身銅鑼灣，Dry到爆裂的她，全程一個人在街頭游走，先去名牌童裝店掃貨，然後到一間樓上舖打躉，更充當店員幫手睇場，收舖後未見有人接，極速返回大坑豪宅休息。
34歲藝人李彩華近年在內地吸金成功，快將參與內地一部五億元製作的重頭劇，更會到德國及冰島取景。雖然事業得意，可惜愛情得個吉！月前她爆喊承認與拍拖三年的「新五虎」成員何遠恒分手。情場失意的她不時相約友人出海消磨時間，完全不吝嗇上載性感泳衣照，展示索爆身材。
冇人接送
日前Rain難得留港，見她下午三時多到銅鑼灣名店掃貨，奇怪她不是買名牌給自己，反而主攻童裝衣服，原本計劃明年結婚生仔的她如今「撻Q」，未知是否買衫宣洩。
掃完一輪貨意猶未盡，Rain在貴價蛋糕店買了大盒西餅後，即到附近大廈，乘電梯往樓上一間飾物店，當時店內坐着一名女子，相信該店老闆娘是她的朋友。Rain對店內環境十分熟悉，甫坐低已拎起工具自製服飾，並不時向女友人請教，期間老闆娘有事外出，她竟然不介意獨留店內，更幫手睇舖招呼客人。沒有客人時，Rain無聊地拿起一條用鐵線織成的半截裙着上身。未幾，友人回來收舖，沒有下場的Rain乘車返回大坑價值三千多萬的豪宅，未有再外出。
拒絕復合
事後Rain接受電話訪問，問到是否已收拾好心情？她說：「OK嘅。（復合？）咁一定冇可能，分手唔係玩。新戀情就隨緣啦，我都好忙，會長時間唔喺香港。」
文、攝：追蹤組