歌手龐景峰前晚聯同公司旗下藝人吳智杰和林慧倩出席籃球賽，自言在英國讀書時是籃球校隊，不過因隊員生得高，而他未夠6呎，所以被安排打後備。問到當年是否成為女同學的追捧對象？景峰笑言：「梗係，有邊個男仔唔係，當入3分波時啲女同學就嗌晒，其實都係符碌咁入籃。」
景峰又稱之前拍的三部電影將相繼上映，其中一部警匪片由錢家班拍，但就冇父親錢小豪及阿叔錢嘉樂參演，他笑言：「拍咗好多飛車鏡頭，炒咗好多部車，燒咗唔少錢家嘅錢。」
