張敬軒望破紀錄再加場
歌手張敬軒昨日現身電台，宣傳6月演唱會。提到個唱門票被秒清，軒仔表示：「好開心銷情唔錯，希望可以再加，自己紅館最多開過4場，希望今次破紀錄。」已設計多個舞台造型？軒仔說：「大部分都有定案，會有好多揈揈吓喺服飾上，大概用40秒換一個造型，所以都要練。」
軒仔又表示早前留意到新聞，指魔術師大衞高柏飛在「變走觀眾」環節時出了意外導致該名觀眾受傷，他說：「2014年我喺演唱會上都有類似魔術嘅表演，喺第二晚時出咗啲意外受咗少少傷，當然呢個係我自發性嘅演出，會承擔風險，但如果純粹觀眾角度去參與就需要謹慎決定，就算幾安全、幾專業都有風險。」