黃智賢變身低胸蒙面俠勇救陳煒
藝人陳煒、黃智賢（Ben）與徐榮等，日前為新劇《危城First Lady》開工，劇情講述與陳煒有感情線的Ben及徐榮齊齊化身「低胸蒙面俠」英雄救美。陳煒透露在劇中經常幻想：「成日幻想有眾多男士喺身邊出入，仲有英雄救美，因為咁佢哋唔止有呢個造型，仲有好多個！」
性感極限露肚臍
兩男大玩性感，Ben笑稱極限是露肚臍，又指陳煒得一想二，取笑她花心，陳煒即笑說：「監製知我Dry嘛！不過你就差少少喇，鞋帶（指胸前綁繩造型）都唔識綁！」
提到陳煒憑劇集《果欄中的江湖大嫂》獲劇迷讚保養得宜，當中更有她剝剩睡衣玩色誘一幕，兩位男拍檔即大呼「走寶」，已合作兩套劇的Ben大讚陳煒一直好弗，徐榮更爆料指她在《危》劇會有出位造型，不過當事人就笑言要賣關子。
徐榮囡囡唔畀攬
另一場戲，眾人齊齊協助陳煒找回走失的兒子，陳煒則幻想兩男爭取表現機會。問身為爸爸的徐榮有否走失仔女經驗？他笑言：「依家走失嘅係佢爸爸，最近忙開工，囝囝成日問我去咗邊。（帶埋嚟開工？）佢鍾意去球場多啲！（咁囡囡包包有冇搵爸爸？）我每朝開工前都會攬攬佢，不過最近少見，開始唔畀我攬，我都要諗諗計！」
文：影視組