做凌文龍經理人余安安：簽一世
出爐金像獎最佳新演員凌文龍，昨日由契媽兼經理人余安安陪同現身電台訪問。一直表示感謝經理人的他，前晚請安安吃麻辣火鍋慶功：「好多謝佢，佢知道我拍電影乜都唔識，義務做我經理人，有朝早好凍，佢都過嚟睇我，指導同照顧我，非常感動。」
安安表示當契仔經理人，純粹機緣巧合，並笑言：「叫得我做契媽，冇理由唔幫佢，（有冇正式簽經理人約？）有，（簽幾年？）一世啦！（會唔會再簽多幾個星？）一個已經好攰，依家好體諒啲經理人，原來咁多嘢做，但佢唔難湊，大家互相信任，好夾，對錢嘅觀念一樣。」稍後他們會到上海再演舞台劇《最後作孽》。