塞車又爆裙遲大到！陳瀅焗除Bra上陣內疚爆喊

昨日陳瀅與好姊妹劉佩玥（Moon）孖住出席在銅鑼灣舉行的唇膏活動，不過就比原定時間遲足一小時，令現場大批傳媒呆等。原來問題出在Jeannie身上，期間好姊妹Moon先單獨面對傳媒受訪，直至Jeannie趕到，活動才正式開始。由於遲到令活動超時不少，故兩人與司儀的問答環節，回答得甚為簡潔，似乎想盡快完成。

行到腳都損

Jeannie接受訪問時不停致歉，問到遲到原因，她表示經過多重難關才到場，她說：「我由尖沙咀過海嚟銅鑼灣，架車一出到紅隧就已經大塞車，至少塞咗15分鐘，應該係前面撞車，後來我將架車駛去告士打道維園嗰邊，泊低架車行過嚟時代廣場，行到腳都損。」不過沒有最黑，只有更黑，Jeannie步行時竟發現裙子背後的拉鏈爆開，她續說：「我已經即刻叫助手幫我買過條裙，但條拉鏈卡住咗喺中間，我除唔到條裙，依家條裙後面有個窿，我諗住將條裙當露背裝咁着，所以除晒入面嘅嘢，我依家真空上陣，真係又尷尬又內疚。」

陳瀅波折重重趕抵活動現場，人前爆喊，陰功豬！	忍唔住喊	轉身抹眼淚 劉佩玥上前安慰陳瀅。轉身抹眼淚

披肩遮窿位

問到Jeannie是否向來都如此烏龍？她自言平時也會發生類似問題，但一日之內發生如此多事則屬首次，笑言下次除了多帶一件後備服裝，還要帶定針線與剪刀！Jeannie再次重申：「我係第一次遲到咁多，真係唔好意思，我覺得非常內疚。」說罷即忍不住落淚，助手連忙為她遞上紙巾拭淚，但她仍然淚流不止，Moon見狀亦上前抱抱作安慰。活動後Jeannie即披上披肩遮掩爆裙，在女助手陪同下離開商場，心急往取車的她更行捷徑，穿梭污穢的後巷及街邊攤檔，步行約十分鐘到達糖街取車，她發現記者在場亦揮手打招呼，之後直駛將軍澳電視城開工。

陳瀅的裙子突然爆拉鏈，令她尷尬不堪。	陳瀅完活動後上車，之前因遇塞車步行去會場，行到腳損。	放大圖片

烏龍事多多

其實Jeannie烏龍早有前科，她曾被本報拍得與Moon逛完商場，前往停車場取座駕時失魂魚上身，忘記泊車位置，在停車場內兜兜轉轉四圍搵車，險辣o架好姊妹。此外，Jeannie又試過拍劇時將手機亂放，最後因藏在楊秀惠篋內而引起軒然大波。

陳瀅離開時披上披肩「遮醜」，更行街邊檔走捷徑。

劉佩玥因陳瀅遲到未現身，「單拖」上陣應付記者。

文：影視組

攝：追蹤組