心穎收馬國明愛心外賣獨食
藝人黃心穎與馬國明是圈中模範情侶，拍拖以來恩愛甜蜜，前晚心穎在煞科宴中表示雖然拍劇忙碌，但一有時間便與馬國明吃飯見面，並透露對方會買外賣探班，不過只限自己獨享：「冇理由要佢照顧埋我個廠！」
無綫劇集《丫鬟大聯盟》前晚舉行煞科宴，劇中演員黃心穎、洪永城、湯洛雯、謝東閔等出席，心穎透露日前才完成最後一場戲：「嗰晚先同洪永城拍完一場好Sad嘅戲，我同佢離離合合，一開始我哋要拍晒傷心戲，然後先到甜蜜，有啲困難，要畀啲想像力。」記者指她與男友馬國明太甜蜜，故難以想像，她卻否認：「唔關事，同同劇演員好似一家人咁，佢哋講嘅說話都可以感動到我。」
演技突飛猛進
她自覺今次演技進步不少，坦言多得與同劇的郭少芸和李霖恩交流演技，表現才突飛猛進。她又指拍劇時沒時間休息，要高度集中。問到是否沒時間和馬國明拍拖？她說：「都有見到，佢喺隔籬廠開工，夾到時間會一齊食飯。（有傳馬國明探你班『萬歲』？）我有囉，佢有買嘢畀我食，冇理由要佢照顧埋我個廠。」她又透露將有一個月假期，打算和家人去短途旅行。
單身洪永城想識女朋友
而洪永城指《丫》劇是偏向開心的賀歲劇，唯一最辛苦是心穎：「因為每件事都係因佢個角色而起，同事無論收工返工都會見到心穎！」他透露5月將拍攝新劇《多功能老婆》，與朱晨麗飾演一對，又表示未與楊千嬅合作過，笑言從小看她與黃浩然的電影，很期待屆時他們擦出的火花！提到千嬅與浩然已為人父母，而他仍是孤身寡人，他說：「所以一陣食飯都要認識吓啲新朋友。（心穎都有男朋友！）佢哋咁襯咁好，我冇咁嘅本事搞散佢哋。」
文：專案組