街頭唱入商場 Judas變師奶殺手

街頭歌手Judas Law（羅凱鈴）昨日出席音樂分享會，獲父母及粉絲撐場。她在台上分享過往Busking的經驗，表示為追音樂夢而辭工，幸好獲父母支持。受訪時，Judas坦言最近愈來愈多商場騷工作，收入有所增長，現時製作新歌中：「依家有個雛形，差編曲同詞，個曲我作咗，仲傾緊首歌點做。」又表示會唱作好歌報答粉絲，問到可會舉行粉絲聚會？她說：「我6月生日，睇吓到時會唔會搞啲聚會。（粉絲多數係媽媽級年紀？）可能同我多唱舊歌有關，其實後生都有，但佢哋鍾意睇Busking嗰啲。」