吳業坤換「老婆」：諗住揸一世

歌手吳業坤昨日出席商場活動，穿得一身紅噹噹兼心情靚爆，他表示因過幾日便生日（18日）：「趁就快生日賣咗車，舊嗰架都買咗一年，當正佢係老婆，所以賣走都有啲唔捨得，但覺得大個仔要成長，唔好再咁大使，所以將架奢侈嘅車換番做實用啲，新車係以代步為主，諗住揸一世(口架)喇！」問到生日如何慶祝？坤坤表示要拍劇度過：「我已經喺劇組度周圍同人講我就嚟生日，睇吓佢哋會唔會同我慶祝！（生日願望？）想唱劇集主題曲，呢個係情意結。」