輸獎唔輸陣！周秀娜Stephy胸戰激烈
本屆金像獎紅地氈星光熠熠，為影后爭崩頭的周秀娜及鄧麗欣（Stephy）不約而同「中門大開」，鬥獎前先爆「胸戰」，Stephy大方認輸！談到身上晚裝似乎相當「危險」，Stephy笑說：「望落啫，其實好安全。呢套裙好重，係全人手釘珠片做嘅，好驚整爛佢，條裙價值30幾萬o架！（同周秀娜條裙似？）應該有少少分別嘅，佢多我少少（上圍）咁囉。（驚比較？）唔驚，係一定會比較嘅！」
挺到腰都直埋
全身衣飾總值2,000萬港元的周秀娜被記者發現疑似「離罩」露墊，她受訪時說：「我挺到條腰好直（防走光），係人生最直嘅一次。尋日有刻意食少啲，想收水。（好似離罩。）吓，係咩？我改（裙）到最盡嘞，可以黐膠紙嘅地方都黐晒。」當被問到搬屋與郭富城當鄰居，她說：「撞過佢一次，因為近排成日出埠。（沾佢旺氣？）有得沾都幾好。（自置單位？）租o架！未得住。」
姜皓文奪最佳衣着
另外，薛凱琪以白色露腰裝高貴現身，不過卻不慎露出打底衫，認真失策。姜麗文則以黑色Bra Top加外套上場，剛從澳洲返港的溫碧霞亦超Deep V亮相，談善言晚裝因為開高衩，她不時以手遮掩以防走光。大會邀得時裝設計師何國鉦擔任評「最佳衣着」，結果由Stephy及姜皓文奪獎。
