姜皓文首封男配角：運氣返晒嚟！
資深演員葉德嫻憑《明月幾時有》勇奪「最佳女配角」，宣布賽果後台下掌聲雷動。據悉，她先後6次入圍角逐這個獎項，今次是她第三度得獎。她上台致謝詞說：「多謝導演許鞍華、于冬（投資者），以及台前幕後工作人員。我又要多謝我嘅經理人，因為呢幾年佢為我安排咗好多好嘢（工作）。」
而入行33年的姜皓文憑《拆彈專家》首奪「最佳男配角」，上台領獎時激動說：「我冇乜運氣，啲運氣唔知去晒邊度，但呢幾年遇到好多錫我嘅人，我嘅運氣返晒嚟，驚好運太多會好快死！老婆……攞咗嘞！多謝導演邱禮濤，多謝編劇李敏同我傾角色，令我更得心應手。我加入咗間好公司，多謝老闆古天樂先生，亦多謝我嘅舊老闆林家棟先生，多謝我嘅一班好朋友、多謝我嘅細佬妹，大佬攞咗嘞！以後我會繼續享受每一個角色，因為我愛香港電影。」
