瞓身學做老闆 超蓮唔談戀愛
賭王何鴻燊三房千金何超蓮，投資7位數字的食店昨日開幕，她坦言每日都在學習中，一定有壓力。對於曾傳緋聞的霍啟山亦有到賀，她說：「好多親戚、朋友都有嚟支持。（公開戀情?）黐線！我依家單身，唔談戀愛。」至於媽咪陳婉珍被問會否怕女兒辛苦，她說：「唔會，後生瞓一覺返嚟啦！佢想做咩就做咩，最緊要佢哋開心。」
提到兒子猷啟將與女友GiGi結婚，她說：「啲細路大個係咁，組織家庭，冇乜特別。（唔捨得？）唔會，我個仔好黐屋企，多一個返嚟。（多個女？）係。（未來新抱幾多分？）未深入了解。（太快閃婚？）冇得講快唔快，佢哋有佢哋諗法。（幫手籌備婚禮？）一定會，不過佢搞得掂。」
