克勤畀老爺車玩殘揸到出晒汗
歌手李克勤昨日聯同後輩周國賢（Endy）及AGA（江海迦），以「嬲」字組合出席6月舉行的音樂會記者會，克勤駕駛私伙老爺車到場，笑說：「難得有機會畀我揸吓架車，仲要咁遠路。佢好矜貴，太熱、太凍或者塞車都唔揸得，一年可能得30日可以揸吓。」
周國賢幫朋友撲飛
事後克勤指老爺車是半自動波，由於是手動入波，加上波箱有50年歷史，不太暢順，若長時間駕駛，駕駛者會很疲倦，他說：「揸呢啲車係Enjoy，揸到身水身汗就唔好啦！」
Endy則笑言已收到不少朋友的訂飛請求：「好多好耐冇聯絡嘅朋友，今朝突然熟咗，問我有冇飛。」對於克勤表示可與他及AGA兩位出色唱作歌手合作感開心，Endy說：「我哋各自有擅長嘅領域，可能交換唱或者互相融合吓。」雖然歌單尚有待商討，但三人搞笑地同聲表示：「唔好叫我哋跳舞呀！」Endy又透露影海報時要揸大提琴，一度擔心被誤會懂得演奏，他自嘲只識將大提琴當做結他擺甫士！
而AGA透露當年學琴時，是彈克勤的經典歌曲《月半小夜曲》，克勤聞言笑說：「係咪話好細個就聽？我成日都咁樣同譚校長（譚詠麟）講o架！」
文：音樂組