蔡國威餅舖重皮預半年回本
藝人蔡國威去年投資六位數開餅舖，創立自家曲奇品牌，由食譜、找生產廠、包裝設計，甚至搵舖都一手一腳搞掂。至今開業三個多月，成績不錯，他坦言沒有白做，並揚言目標是半年至九個月回本，希望在曲奇餅界殺出血路！
蔡國威過檔無綫後得到寵幸，除了有機會繼續做「六合彩之子」外，更受到不少監製賞識，在不同劇集內有發揮機會。威仔自爆未曾受過正式的演藝訓練，如今在無綫拍劇，坦言是打「天才波」。
同張秀文有感情戲
最近他更有機會參演劇集《包青天再起風雲》一角，與張秀文有一段感情戲後就會死去，相當有發揮，威仔直言過足戲癮：「唔少監製或演員睇完我演出都好意外，覺得我都識演戲喎！我好開心o架，雖然我冇學過，但有監製肯搵我，係一個好好嘅機會。（鍾意做主持定演員多啲？）兩樣都鍾意！」
搵朋友幫手睇檔
另外，威仔主理的曲奇餅店開業三個多月，已達收支平衡，他更定下回本目標：「對上一個月嘅營業額，我已經可以用嚟做下個月嘅運作開支，都算係一個好開始，起碼我唔需要再投資落去。呢個都係我預算之內，我目標係半年至九個月，希望可以回本第一筆資金。」他表示成本中最貴是租金和人工：「要將啲餅畀有食物牌嘅工場做，包裝又要錢，所以都幾吃力。不過唔緊要，好多朋友都好幫手，好似我今次要去橫店一個月拍外景，都有朋友幫手做兼職睇檔。」
文：影視組