傅穎「北漂」辛酸諗過退出
近年主力在內地發展的女星傅穎提到早年北上經歷，坦言最初一段時間難以適應，引致情緒低落，曾經想過退出娛樂圈轉行。去年與內地男友分手的她，享受目前單身生活，暫時不想感情事！
傅穎（Theresa）為東網巨星最新一集「海馬牌床褥特約」《閨蜜睡房》任嘉賓，與主持俞詠文（Angela）暢談「北漂」生活，Theresa說：「呢幾年我慣咗，都鍾意走嚟走去。」記起2013年在北京逗留半年，由於人生路不熟，言語又不通，令她覺得陌生及難以適應：「嗰半年我完全冇嘢做，情緒好低落，有諗住退出娛樂圈改行，但突然接到電話有套戲搵我演出，我又返去拍戲。」如今她已將北京當做第二個家。
去年底回復單身的Theresa坦言暫不想談戀愛：「每一次分咗手都係咁，唔係太想拍拖，只想將焦點放喺工作、賺錢方面。」目前單身的她感覺舒服，並笑說：「唔拍拖嘅時候我好少失眠，瞓又瞓得好，食又食得好。」
養貓當湊仔
縱使單身很自由，Theresa又直認是愛情至上的人：「我一拍拖就放晒喺愛情度，但依家年紀大咗，冇以前咁投入。」目前她想像不到結婚的畫面，但笑說：「咁點都有一日結婚嘅，除非嫁唔出嘅啫，依家我冇特別好恨結婚。」但承認有諗過生育問題，她覺得媽咪是世上最偉大的人，最近她更養了貓仔，當正是仔咁湊！想知道Theresa更多對愛情的睇法，記得星期五、六、日收睇《閨蜜睡房》喇！
文：音樂組