宋熙年懷孕疲倦食欲減老公變緊張大師

藝人宋熙年（Sarah）宣布懷孕後首次公開露面，她表示現時老公陳智燊非常緊張她的一舉一動，例如坐姿及企姿等。她指懷孕初期略感疲倦，食欲亦大減，她說：「依家情況好咗好多，食多咗嘢。（係咪佗咗4個月？）醫生話依家喺懷孕中期，我好Enjoy呢段時間，但係我哋想過埋最後一次二人世界旅行。（諗住去邊度？）未諗好，不過我想返澳洲見吓爹哋媽咪。（BB係仔定女？）暫時未知，醫生話要等做埋最後一次Scan先知。」Sarah表示未有過分重視BB性別，只期望BB能健康，留待下一胎才會考慮性別。