《紅海》票房破36億！ 林超賢睇中彭于晏閉氣2分鐘
導演林超賢昨午到旺角朗豪坊出席英皇電影《紅海行動》謝票活動，談到內地票房成功衝破36億，他說：「內地起碼會上到15號，之前畀啲荷里活電影影響，排片量減咗，但我哋票房又再攀番上嚟，每日進帳5、6百萬（人民幣），個人希望落畫時過到36.5億！」
為籌拍英皇新片《緊急救援》（暫名），林超賢日前到馬來西亞睇景：「遲啲會去比利時、馬耳他同墨西哥等地，嗰邊啲地方喺海邊搭建大型片廠，比利時仲有個36米深嘅人工海底，啱晒我哋用。男主角彭于晏胸前偉大，肺容量都有番咁上下，到時起碼可閉氣分零兩分鐘啩？」他表示由於搭景及演員訓練需時，故原定8月開鏡，現要延後至年底。除了彭于晏，其他角色人選未定，但因拍攝期起碼5個月，故不排除起用多張新面孔，今次製作費約5億。而雖然《紅海》票房報捷，但林導演仍以舊合約價執導，未有「坐地起價」。
